ပိုက်ဆံချေးကြသူများ မှတ်သားရန်

ပိုက်ဆံချေးကြသူများ မှတ်သားရန်
*******************************

၁- ပိုက်ဆံချေးမယ်ဆိုရင် ချေးမယ်လို့ပဲ ပြောလိုက်ပါ။
ဖြစ်ကြောင်းကုန်စဉ်ကို ဇာတ်စုံခင်းပြမနေပါနဲ့။
ကြာပါတယ်။ မဟုတ်လည်း ချေးမှာပဲကို။ ဆိုတော့
မရှိလို့ပဲချေးချေး၊ လက်လွန်နေလို့ပဲလှည့်လှည့်
ပိုက်ဆံချေးတာဟာ ချေးတာပါပဲ။

၂- ပိုက်ဆံတစ်ရာ နှစ်ရာမှသည် တစ်သိန်း နှစ်သိန်းအထိ
ပိုက်ဆံဟာ ပိုက်ဆံပါပဲ။ အချေးခံရတဲ့သူက ဘာမှမရှိလို့
ပြန်မတောင်းရင် ဒါမှမဟုတ် မသိချင်ယောင်ဆောင်
နေရင်တောင် ချေးတဲ့သူက အလိုက်တသိနဲ့ သေချာ
ပြန်ပေးရပါမယ်။

၃- ဖြစ်နိုင်ရင်တော့ ဘယ်သူမှ ချေးရတာရော၊
ချေးပေးတာရောကို မလုပ်ချင်ကြပါဘူး။ ချေးလာတဲ့သူရှိလို့သာ
အားနာပြီး ချေးပေးကြရတာဖြစ်တဲ့အတွက် ဒီကိစ္စမှာ
လုံးလုံးလျားလျားတာဝန်ရှိသူဟာ လာချေးသူပါပဲ။

၎- ပိုက်ဆံချေးတဲ့အခါ ပေါက်ကရလေးဆယ်တွေကို
ရွှန်းရွှန်းဝေအောင် လျှောက်မပြောပါနဲ့။ ကိုယ်ချေးချင်တဲ့
ပမာဏ၊ ချေးထားမယ့်ကာလ၊ ပြန်ဆပ်မယ့်အချိန်နဲ့
ပြန်ဆပ်မယ့်ပုံစံကိုသာ လိုတိုရှင်းပြောပါ။

၅- ကိုယ်ပစ်မှတ်ထားပြီး ပိုက်ဆံချေးလိုက်တဲ့သူဟာ
ကိုယ်ချေးချင်သလောက် ရှိတဲ့သူ ဖြစ်ချင်မှဖြစ်ပါမယ်။
သူက မရှိဘူးလို့ ပြောရင် အဲ့ဒါကို အတည်ပဲမှတ်ပါ။
အားနာပြီး စိတ်ရှုပ်ရအောင် ထပ်ပြီး နားမပူပါနဲ့။
ကိုယ်လိုချင်သလောက်မရဘဲ သူပေးနိုင်သလောက်သာ
ပေးရင်လည်း ထိုနည်းအတူပါပဲ။ ရသလောက်သာချေးပါ။

၆- အရေးကြီးဆုံးအချက်ပါ။ သေချာပြန်ဆပ်ရပါမယ်။
ကိုယ်ကတိပေးထားတဲ့အချိန်မှာ သေချာပေါက်ကို
ပြန်ဆပ်ရပါမယ်။ အကြောင်းတစ်ခုခုကြောင့် ကြန့်ကြာ
နေရင်တောင် ကိုယ်ကဦးအောင် ဆက်သွယ်ပြီး
ရှင်းပြရပါမယ်။ ပြန်ဆပ်မယ့်အချိန်ကို ထပ်ပြောရပါမယ်။

၇- ချေးတုန်းကချေးပြီး ပြန်ဆပ်ချိန်ရောက်မှ အတိတ်
မေ့သလို ရွှေပျောက်သလို အူကြောင်ကြောင်လုပ်တာဟာ
ပိုက်ဆံချေးပေးမိတဲ့သူရဲ့ နောင်တတရားနဲ့ လူသတ်ချင်
စိတ်ကို ဒွန်တွဲပြီး ဖြစ်ပေါ်စေပါတယ်။ လုံးဝမလုပ်ပါနဲ့။

၈- ချေးတုန်းကတောင် သတိတရနဲ့ သေတော့မတတ်
ဖုန်းဆက်ပြီး ချေးသေးရင် ပြန်ဆပ်ရမယ့်အခါလည်း
မေ့မနေပါနဲ့။ ရူးချင်ယောင်ဆောင်ပြီး ဖုန်းပိတ်တာတွေ၊
မကိုင်တာတွေ၊ seen ဖြစ်ပြီး reply မလာတာတွေဟာ
အင်မတန်မှကို လူဝါးဝရာကျပါတယ်။

၉- အဆိုးဆုံးက ကိုယ့်ပိုက်ဆံကိုယ်ပြန်တောင်းတဲ့သူကို
ရန်သူလိုသဘောထားပြီး ရင့်ရင့်သီးသီးဆက်ဆံတာနဲ့
မျက်ရည်ခံထိုးပြီး ပြန်တောင်းတဲ့သူကို ချစ်တီးလို့
တစ်လောကလုံးကထင်အောင် ဇာတ်နာပြတာပါပဲ။

၁၀- သူပြန်တောင်းတဲ့အထိ စောင့်မနေပါနဲ့။ ကိုယ်
ပေးတဲ့ထားတဲ့ကတိထက် ပိုစောပြီး ဆပ်နိုင်လေ
ကောင်းလေပါပဲ။ မြန်မြန်ရရင် မြန်မြန်ဆပ်ပါ။
သူမေးလာတဲ့အထိ စောင့်မနေပါနဲ့။ တခါတလေ
သူတို့က မမေ့ပါဘူး။ ကိုယ့်မြင်ကတည်းက သူတို့
ပိုက်ဆံကို တန်းသတိရပါတယ်။ အားနာလို့သာ
မေ့ချင်ယောင်ဆောင်နေကြတာပါ။ လူလိုနားလည်ပါ။

၁၁- ပိုက်ဆံချေးပြီး ပြန်မဆပ်ချင်ကြတဲ့သူတွေရဲ့
အကျင့်ဆိုးတစ်ခုကတော့ ချေးမိတဲ့သူရဲ့ အားနာတတ်တဲ့
စိတ်ကို ချနင်းတာပါပဲ။ တော်တော်ယုတ်ညံ့တဲ့စိတ်ပါ။
ဆိုတော့ ချေးပေးမိတဲ့သူတွေက အားမနာကြပါနဲ့။
အချိန်တန်ရင် ကိုယ့်ပိုက်ဆံကို ပြန်တောင်းပါ။

၁၂- တကယ်တော့ ကိုယ့်ကို ပိုက်ဆံချေးပေးတဲ့သူဆိုတာ
အိမ်ဦးခန်းမှာထားပြီး ရွှေချထားရမယ့်သူမျိုးတွေပါ။
အဲ့လိုလူမျိုး ကမ္ဘာပေါ်မှာ သိပ်များများစာစား မရှိပါဘူး။
ကိုယ့်ကိုတကယ်ခင်လို့၊ စာနာလို့၊ အားနာလို့၊ ချစ်လို့
သူ့ရဲ့ရှိစုမဲ့စုလေး ထုတ်ပြီး ချေးပေးတာဖြစ်ပါတယ်။

၁၃- ကတိတည်ရပါမယ်။ မဟုတ်ရင် တစ်ခါပဲရပါမယ်။
ကတိတည်လိုက်ရင် နောင်လည်း လိုတဲ့အခါ ရနိုင်ပါမယ်။
မဟုတ်ရင်တော့ ကမ္ဘာပေါ်က အကောင်းဆုံးသော
မိတ်ဆွေတစ်ယောက်ကို ကိုယ်တိုင်ဖျက်ဆီးလိုက်သလို
ဖြစ်သွားပါလိမ့်မယ်။ အရမ်းနှမြောဖို့ကောင်းပါတယ်။

ဆိုတော့ ပိုက်ဆံချေးပြီးရင် အသေအချာ ပြန်ဆပ်ကြပါ။

Credit: Chanmyaeaungtig